По благословению Высокопреосвященнейшего Елисея 

Архиепископа Изюмского и Купянского

Составил настоятель храма протоиерей Иоанн Сорока

Кондак  1

Избранный от Бога и к лику святых сопричтенный святый священномучениче  Симеоне! Ныне всечесную  память твою празнующе, яко много могущему  споспешествовати нам о прославшем  тя Христе, умильно вопием ти, избави нас от всяких бед и зол, да с благодарением завем ти:

«Радуйся, священномучениче  Симеоне, страдания за Христа даже до смерти претерпевий».

Икос 1

Ангельские силы на Небеси и Боголюбивые люди на земли ликовствующе прославляют Церкви Зиждителя-Христа Бога нашего, воздвигшаго  нового светильника веры священномученика  Симеона, кровию  своею  и страшным страданием запечатлевшаго веру православную. Мы подвигом его веры и любви к Богу утверждаемся, зовем таковая:

«Радуйся, Церкви Православной  немеркнущий светильниче.

Радуйся, Евангелия Христова неустрашимий проповедниче.

Радуйся, апостольских преданий пламенный ревнителю.

Радуйся, житием твоим ревносно Богу послуживый.

Радуйся, увенчаный  священническою благодатию.

Радуйся, земли нашея и Печенежского края заступниче.

Радуйся, о спасении народа  непрестанное  помышление.

Радуйся, священномучениче  Симеоне, страдание за Христа даже до смерти претерпевий».

Кондак 2

Видяще Господь Бог веру твою, священномучениче Симеоне, избрал тя пастырем стада Христова, для наставления и утверждения в вере православной, да спасаемы твоими молитвами, и мы с надеждою вопием Богу: «Аллилуия».

Икос 2

Разум несомненный имел еси в себе, священномучениче Симеоне, егда славу мира сего, призрев и гнева богоборческой власти не устрашился еси, исповедал себе христианом быти, и сего ради в темницу всажден был еси. Таковому твоему о Христе дерзновенно дивяшеся глаголем:

«Радуйся, иерей Бога вышняго нареченный.

Радуйся, в хиротонии Божественную благодать восприявый.

Радуйся, Престолу Христову Божественную Жертву приносивый.

Радуйся, светильниче горяй и светяй многосветлый.

Радуйся, ангельския чистоты стяжателю.

Радуйся, мучениче Христов непобедимый.

Радуйся, яко невесту Церковь Святую возлюбивый.

Радуйся, яко заря утренняя в Церкви Христовой возсиявый.

Радуйся, священномучениче  Симеоне, страдания за Христа даже до смерти претерпевый».

Кондак 3

Силою Вышнего, осенившею тя отче Симеоне, в таинстве твоей Пятедисятницы благодать получивший, изобильно делившися с паствою твоею, и мы надеемся на твою милость, зовем Богу: «Аллилуия».

Икос 3

Имея неусыпное попечение о спасении душ, вверенных Богом тебе, Симеоне священномучениче, пастырски и душеспасительной жизни, и словом и самым делом непрестанно  наставлял еси. Сего ради усердно приносим похвалы тебе:

«Радуйся, благодатию Духа Святаго преосененный.

Радуйся, непоколебимое стояние в вере отеческой.

Радуйся, щите защищай  благочестие.

Радуйся, превозмогший верою силы адския.

Радуйся, за обидящих перед Богом молитвениче.

Радуйся, злобу мучителей нечестивых кровию своею потопивый.

Радуйся, носителю духа кротости добропобедный.

Радуйся, благодатными дарами Духа Святаго напоенный.

Радуйся, священномучениче Симеоне, страдания за Христа даже до смерти претерпевый».

Кондак 4

Бурю лютых искушений воздвиже на тя человекоубийца диавол, искони ищущий праведных погубити в лице твоих гонителей, но ты, отче Симеоне, Духом Святым наставляемый, ограждая себя крестным знаменем поя Богу: «Аллилуия».

Икос 4

Слышавши нечестивии гонители твои крепкую веру твою в Единаго истинного Бога, разъярися на тя злобою, повели заключити тя в темницу и страшно мучити, ты принимая волю Божию поя ему похвалы, сего ради и мы поем тебе сице:

«Радуйся, исповедниче веры в Христа неустрашимый.

Радуйся, воине Христов непобедимый.

Радуйся, лживых богоборцев неустрашимый обличителю.

Радуйся, демонския наваждения постом и молитвою отразивый.

Радуйся, себе в жертву Богу за веру приносивый.

Радуйся, Христу распяту жертвенной любовью последовавый.

Радуйся, страданием твоим сего учения непосрамивый.

Радуйся, пред престолом Божиим за мир ходатайствовавый.

Радуйся, священномучениче Симеоне, страдания за Христа даже до смерти претерпевый.

Кондак 5

Звезду, путь указующую и ум просвещающую, Божественную благодать дарова ти Господь, отче Симеоне, проповедью и благочестивым житием малое стадо Христово на путь покаяния направляеши. Мы же с верою и радостию вопием: «Аллилуия».

Икос 5

Видя святый страшное время мучения и гонения на христиан, разрушения храмов Божиих, пекийся за ны, и моляся Богу, да облегчит страдания их. Таковое твое попечение восхваляюще зовем ти:

«Радуйся, любовь Христову в сердце своем имевый.

Радуйся, христиан заступниче.

Радуйся, плачущих утешителю.

Радуйся, за них перед Богом молитвениче.

Радуйся, нищих кормителю.

Радуйся, странных водителю.

Радуйся, попечителю сирих и обидящих.

Радуйся, немоствующих врачу.

Радуйся, священномучениче Симеоне, страдания за Христа даже до смерти претерпевый.

Кондак 6

Проповедует ныне святая Церковь подвиги твоя, воине Христов Симеоне, и величает честная страдания твоя, за Христа притерпевше, и радостно вопиет Христу Жизнодавцу победную песнь: «Аллилуия».

Икос 6

Возсиял еси, яко звезда лучезарная, в сонме новомучеников земли нашея егда Божиим изволением пострадавши за веру,  получиши венец Царствия Божия, поем тебе:

«Радуйся, Богу житием твоим угодивый.

Радуйся, тщету и прелесть мира сего презревый.

Радуйся, воине Христов, милостив и непобедимый.

Радуйся, о мале  верен  явился еси.

Радуйся, яко обилие благодати Божией приял еси.

Радуйся, мзду Небесную восприявый.

Радуйся, за Христа Господа темницы и биения претерпевый.

Радуйся, душу свою за други полагавый.

Радуйся, священномучениче Симеоне, страдания за Христа даже до смерти претерпевый.

Кондак 7

Хотяще  нечестивии  людие от истинныя во Христа веры тя, святе Симеоне,  отврати  многоразличными муками, удручаше святое и многотерпеливое тело твое, их же ты мужественно претерпел еси, поя Сладчайшему Господу Иисусу: «Аллилуия».

Икос 7

Новую благодать дарует Господь Бог народу нашему в горниле испытаний лютых, да уразумеет яко благ Господь, наказует, но не умерщвлет, дарует венец Царствия Божия до конца  претерпевшим. Сего ради радующеся, вопием ти:

«Радуйся, благодать от Бога получившую не посрамивый.

Радуйся, данный тебе талант у землю не закопавый.

Радуйся, целомудрия и чистоты душевныя  кладязю не исчерпаемый.

Радуйся, самоотвержения всецелое показавый.

Радуйся, уневестивый душу твою Христу.

Радуйся, Господа распятого на кресте присно пред собою предзревый.

Радуйся, от грехопадения ближних твоих ко Христу приводивый.

Радуйся, Единосущныя Троицы истинный ревнителю.

Радуйся, священномучениче Симеоне, страдания за Христа даже до смерти претерпевый.

Кондак 8

Странное чудо яви тебе Господь, великую силу веры в страшные дни гонения на Церкву Христову, безбоязненно призывал еси паству свою имети совесть незазорную и любити друг друга, яко же Господь возлюбил нас, воеже, не токмо зде, но и в селении праведных воспевати Творцу нашему: «Аллилуия».

Икос 8

Весь добрыми делами исполненный в жизни сей, по смерти мученической же славою Божиею озаренный, преклоняеши молитвы твоя перед Богом чтущих тя, от них же слышиши сицевая:

«Радуйся, смирения и незлобия учителю.

Радуйся, терпения и миролюбия наставниче.

Радуйся, в дни голодомора последним куском хлеба делился еси;

Радуйся, храмы от закрытия и разрушения с крестом в руках отстаивал еси.

Радуйся, за истину Божию  пострадавый.

Радуйся, православия похвало.

Радуйся, гражданине горнего града Иерусалима Небесного.

Радуйся, Царствия Христова наследниче.

Радуйся, священномучениче Симеоне, страдания за Христа даже до смерти претерпевый».

Кондак 9

Все естество ангельское и подвижников множество удивишася смирению и терпению твоему, отче наш Симеоне, священнический подвиг совершая в Печенежском крае.  Уставы Святоотечиския строго соблюдая, спасению паствы твоея служити непрестал еси, Богови поюще: «Аллилуия».

Икос 9

Вития многовещанные не возмогут  по достоянию восхвалити  страдания твоя, за Христа притерпенныя, и милосердия твоего подвиги. Мы же таковы дивяшеся, в немощи нашем малыя  сия хваления просим тебе:

«Радуйся, Господа всем сердцем возлюбивый.

Радуйся, вольная страдания за Имя Его притерпевый.

Радуйся, о Бозе Вседержытеле поревновавый.

Радуйся, возвещати Истину Христову ревностно возлюбивый.

Радуйся, и тому на служение свое в Печенегах со страхом Божиим взиравый.

Радуйся, догматов веры православныя достойно блюстивый.

Радуйся, православных христиан  защитителю.

Радуйся, суеверий и учений ложный пламенный искоренителю.

Радуйся, священномучениче Симеоне, страдания за Христа даже до смерти претерпевый».

Кондак 10

Спасти хотя душу свою, презрел еси веления богоборческой власти, и о теле своем нерадив, радостно восприял еси узы темничныя, яко воин Христов, священномучениче Симеоне, воспевая укреплявшему тя Богу: «Аллилуия».

Икос 10

Стена был еси помощи и заступления всем к тебе притекающим, святителю Симеоне, и милосердия неистощимое сокровище. Сего ради славяще Бога, дивного во святых своих, и тя ублажаем:

«Радуйся, Христа возлюбивши, к Нему прилепился еси.

Радуйся, погубивши временное, вечное приобрел еси.

Радуйся, веры Христова силу показующий.

Радуйся, верных к прославлению Бога воздвигающий.

Радуйся, в бедах и скорбех сущих прибегати к предстательству святых наставляющий.

Радуйся, в нуждах наших обращатися к Богу научающий.

Радуйся, помощниче наш, Богом нам дарованный.

Радуйся, угодниче Христов и молитвениче о нас благоприятный.

Радуйся, священномучениче Симеоне, страдания за Христа даже до смерти претерпевый».

Кондак 11

Пение всеумиленное со слезами возрыдаша  паства твоя, егда услыша о страшной гибели твоей, отче Симеоне. Ныне же преисполнены веселием неизреченным, видяще тя, пастыря своего, в сонме святых в Церкви Небесней восседающа  и за ны Христу молящегося, с радостию вопием Богу: «Аллилуия».

Икос 11

Свеща еси в церкви Христовой, горящи невещественным светом благодати Божией и озаряющи тьму неразумия нашего, святый священномучениче Симеоне. Просвети ны омраченныя грехом, да вопием тебе:

«Радуйся, светильниче  немеркнущий Света Невечернего.

Радуйся, яко свет добрых дел твоих просветился пред человеки.

Радуйся, житием твоим праведным Богу угодивый.

Радуйся, веру, надежду и любовь от Господа стяжавый.

Радуйся, наша слава и ограждение.

Радуйся, нам молитвенный щит и меч очищения.

Радуйся, прибегающих к тебе щедрое  поможение.

Радуйся, иконою твоею святою в храме  нам благословление.

Радуйся, священномучениче Симеоне, страдания за Христа даже до смерти претерпевый».

Кондак 12

Благодать дана тебе от Бога во еже руководствовати ко спасению и сохраняти от бед чтущих память твою.  Темже припадаем к иконе твоей со умилением  молим тя: «Укрепи нас добре стояти в вере православной и угождающе благими делы немолчно пети Богу: «Аллилуия».

Икос 12

Поюще страдания твоя, святый  священномучениче Симеоне. Церковь Божия славу небесную на земли утверждает в Святой Троице, велигласным славословием в сонме святых новомучеников земли нашея прославляет тя. Мы же вси, сия милости Божия зря, вопием тебе похвалы сия:

«Радуйся, пастырю добрый, данный нам в укрепление.

Радуйся, звездо лучезарная, над землею нашею воссиявшая.

Радуйся, мучения Христа ради терпения и вечную с Ним славу приявый.

Радуйся, души наша к Царствию Небесному приводяй.

Радуйся, молитвениче  пред Престолом Божиим за нас грешных.

Радуйся, Православия похвало и земли наша радование.

Радуйся, икона твоя святая – отрада  наша спасительная.

Радуйся, края Печенежского и земли нашея покровителю и защитниче.

Радуйся, священномучениче Симеоне, страдания за Христа даже до смерти претерпевый».

Кондак 13

О пречудный священномучениче Христов, отче Симеоне! Нынешнее наше моление прием, избави нас от бед и напастей, укрепи веру нашу, даруй нам оставления прегрешений и изми от вечныя смерти всех вопиющих о тебе к Богу: «Аллилуия».

(Сей кондак глаголи трижды. А затем читается икос 1 и кондак 1)

Молитва Священномученику Симеону Печенежскому

О святый угодниче Божий священномучениче Симеоне, подвигом добрым подвизався на земли, восприял еси на небесех  венец правды, егоже уготовал еси Господь всем любящим Его; темже  взирающее на святый твой образ, радуемся о преславнем скончании жительства твоего  и чтим святую память твою. Ты же предстоя Престолу Божию, приими  моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей,  болезней и напастей и всякого зла, благочестно  и праведно  поживем в нынешнем веце и сподобимся предстательством твоим, аще и недостойны есмы видети благая на земли живых, славяще Единого во святых Своих славимаго Бога, Отца и Сына и Святаго  Духа, ныне и во веки веков. Аминь.

Тропарь, глас 2

И нравом причастник, и престолом наместник апостолом был, деяния обрел еси, Богодухновенне, в видения восход; сего ради слово истины исправляя, и веры ради пострадал еси даже до крове. Священномучениче Симеоне, моли Христа Бога спастися душам нашим.

Кондак, глас 2

Во святителях благочестно пожив и  мучения путь прошед, идольския угасил еси жертвы и поборник быв твоему стаду богомудре. Темже тя почитающее тайно вопием ти: «От бед избави ны присно твоими мольбами, отче наш Симеоне».

Величание

Величаем тя, священномучениче Симеоне, и чтим святую память твою; ты бо молиши за нас Христа Бога нашего.

Переглянуто: (365)